ALGEMENE SKOOLREËLS EN GEDRAGSKODE

‘n Hoë premie word geplaas op goeie orde en dissipline in die skool, daarom geld die volgende algemene skoolreëls vir ons leerders:

• Die skool begin soggens om 07h30. Moet asseblief nie laat kom nie, want die hekke word gesluit en dit is steurend as daar met opening besig is en leerders laat inkom. Hulle sal eers om 08h00 toegelaat word.
• Sodra die skoolklok lui, word daar flink na die onderskeie klasse beweeg.
• Elke Maandagoggend en met kwaartaalopening of –afsluiting is daar ‘n gesamentlike byeenkoms.
• Vir die res van die week word daar aan die begin van elke eerste periode in die klas geopen met skriflesing en gebed.
• Aan die einde van elke laaste periode van die weeksdag, word daar met gebed afgesluit en daar word stigtelik verdaag.
• Elke klasonderwyseres sal saam met die leerders klasreëls opstel, wat gehandhaaf sal word.
• Geen hardlopery op die stoepe word toegelaat nie. Dit is gevaarlik.
• Geen spelery, balgooi of balskop tussen die geboue of in die klaskamers nie. Daarvoor is die speelterrein daar.
  Ruite breek maklik.
• Geen klipgooiery of boomklimmery word toegelaat nie.
• Vandalisme en vernielsugtigheid sal nie geduld word nie. Ouers sal breekskade herstel of betaal.
• Geen selfone, radio’s, bandmasjiene of elektroniese speelgoed word toegelaat nie – dit raak weg.
• Slegs versterkte boektasse is toelaatbaar. Geen slap-, hand- of rugsakke nie. Dit beskadig die boeke.
• Hou die terrein en geboue skoon en netjies te alle tye. Gebruik vullisdromme vir vullis.
• Hou te alle tye die toilette skoon en netjies.
• Alle kledingstukke, tasse, boeke en skryfbehoeftes moet gemerk wees. Verlore kledingstukke wat na 7 dae nie opgeëis
  word nie, gaan na die klerebank vir verkope.

DISIPLINERE KODE

Tug-en strafmaatreëls sal opvoedkundig verantwoordbaar en in ooreenstemming met die aard van die oortreding wees. Die volgende vorms van straf of kombinasies daarvan, sal gebruik word:

• Leerder sal berispe word.
• Aantekening van die oortreding op Oortredingsvorm.
• Kontak met ouers/voogde – telefonies/skriftelik.
• Versoek aan ouers/voogde om leerder by die skool te kom haal.
• Verhaling van kostes vir skade berokken deur die leerder vanaf ouers.
• Weerhou leerling van voorregte bv. pouse en snoepie.

Die hantering van die oortredings in Kategorie 1 en 2, berus by die HOOF van die skool, terwyl oortredings in Kategorie 3 deur die Beheerliggaam hanteer sal word.

Kragtens die Suid Afrikaanse Skolewet, Wet 84 van 1996, Artikels 10(1) en (2) word lyfstraf verbied