Parys Christelike skool se klasse bestaan uit slegs 15 leerders.
Ons doelwit is om elke leerder optimaal te ontwikkel en gelukkige, gebalanseerde jong mense in die lewe in te stuur.
Parys Christelike Skool is gerig op:
- Christelike beginsels
- Hoë standaard onderrig en individuele aandag
- Slaagsyfer in ALLE vakke 50%
Doelstellings :
Die doelstellings van die skool, is dat:
- die skool ’n Christelike karakter handhaaf en alle onderrig en interaksie in die skool Christelik gefundeer sal wees;
- n hoë premie geplaas word op die uitbouing, waardering en respek van etiese waardes, Afrikaanse kultuurgoedere, tradisies, dissipline en gesag;
- onderrig sal geskied deur die medium van Afrikaans;
- slegs 15 leerders per klas akkommodeer sal word;
- die hoogsmoontlike akademiese standaarde gehandhaaf word;
- die skool sy taak in vennootskap met die opvoeders en ouers uitvoer;
- meriete en bekwaamheid deurslaggewend sal wees by aanbevelings vir die aanstelling van opvoeders;
- die skool apolities moet wees en geen persoon daarom toegelaat sal word om in skoolverband te assosieer met, of deel te neem aan optrede van enige partypolitieke of buite parlementêre politieke organisasie, massabeweging of drukgroep nie, uitgesonder erkende vereniging en/of vakbonde wat die belang van die skool, die beheerliggaam, leerders, opvoeders en ouers van die skool verteenwoordig;
- respek vir al die ander kulture in ons land van kleins af by ons kinders ingeskerp sal word.
Die toekomsvisie vir hierdie skool, hou direk verband met die potensiaal wat opgesluit lê in:
- Die kind en ouer van gesinne wat die etos van die skool onderskryf
- Leerkragte wat met toewyding die ekstra myl stap vir leerders
- ‘n Bestuurspan wat nougeset uitvoering gee aan die opdragte van die ouers ten opsigte van die bedryf van die skool
- Die geloof en vertroue in ‘n hemelse Vader wat ons lotgevalle beskik
Karakterbou begin reeds by die geboorte van ‘n mens. Met hierdie wete, onderskryf en streef PCS daarna om die 7 ankers van karakter deurgaans uit te bou, naamlik:
Omgee – binne gesinsverband asook onderling
Respek – die kernwaarde van hoe ons mense behandel
Verantwoordelikheid – die kern van persoonlike waarde
Regverdigheid – om ander te behandel soos jy behandel wil wees
Betroubaarheid – integriteit, eerlikheid en lojaliteit
Goeie burgerskap – respek vir landwette en gemeenskapsbetrokkenheid
Geloof – basis van karakter wat die bogenoemde ankers moontlik maak
